Баишев Университеті

Баишев Университеті

“Қызықты көңіл-студенттік өмір”

2020 жылдың 17 қарашасы күні Баишев Университеті, Білім берудің жоғары мектебі, “Педагогика және психология” кафедрасының ұйымдастыруымен студенттер күніне арналған “Қызықты көңіл-студенттік өмір” атты мерекелік шара өтті. Шараға Баишев Университетінің тәрбие ісі жөніндегі проекторы  М.О.Миров, Білім берудің жоғары мектебінің деканы, п.ғ.к., доцент А.Қ.Дүйсенбаев және “Педагогика және психология” кафедрасының меңгерушісі, п.ғ.к., профессор С.С.Сейтенова қатысып, студенттерді мерекелерімен құттықтады.

 Zoom платформасы арқылы өткен шарада оқытушылардың құттықтау видеосы көрсетіліп, “Педагогика және психология” мамандығының 3 курс студенті Т.Сансызбаева  өлең шумақтарын оқыды. Сонымен қатар, мерекелік шара қонағы Ақтөбе гуманитарлық колледжінің “Саз бөлімі” мамандығының  3-курс студенті А.Мухамбетова қобыз аспабымен Шәмші Қалдаяқовтың “Арыс жағасында” әнін орындап берді. Кеш соңында студенттер өздеріне білім беріп отырған профессорлық-оқытушылар құрамына алғыстарын білдіріп, үлкен рахметтерін айтты.