Баишев Университеті

Баишев Университеті

УНИВЕРСИТЕТ ПРОФЕССОРЫ РЕСПУБЛИКАЛЫҚ ДӨҢГЕЛЕК ҮСТЕЛДЕ МӘСЕЛЕ КӨТЕРДІ

     7 қыркүйек 2020ж. облыстық тарихи өлкетану- музейінде «Қазақстанның заманауи мәдениетіндегі қасиетті кеңістік: дәстүр мен жаңашылдық» атты дөңгелек үстел өтті. Дөңгелек үстелге «Қасиетті Қазақстан» ғылыми-зерттеу орталығының  бөлім меңгерушісі А.Екімбаева, Н.Назарбаев университетінің түрік тілі және түріктану кафедрасының оқытушысы, РhD докторанты А.Жүнісханов, тарих.ғыл. докторы, әл-Фараби атындағы Қазақ Ұлттық университетінің проФессоры А.Қалыш, Халықаралық Түрік академиясының ғылыми қызметкері, тарих ғыл. магистрі Б.Төлегенұлы Х.Досмұхамдов атындағы Атырау мемлекеттік университетінің Қазақстан халқы Ассамблеясы институтының директоры, проФессор Ж.Қыдыралина, Бозақ мемлекеттік тарихи-мәдени қорығының ғалым-хатшысы тарих ғыл. кандидаты З.Сұрағанова және жергілікті тарихшы ғалымдар, өлкетанушылар мен музей қызметкерлері қатысты.

    Дөңгелек үстел барысында «Рухани жаңғыру» бағдарламасы аясында «Қазақстанның киелі жерлер геограФиясы» бағдарламасы бойынша атқарылып жатқан істер мен мәселелер талқыланды. Дөңгелек үстелде Баишев университетінің «Рухани жағыру» орталығының ғылыми қызметкері, Фил. ғыл. докторы Ж.Асанов Байғанин ауданындағы «Едігенің жалы» деп аталатын киелі жер туралы толымды, дәлелді ақпаратты ортаға салып, бұл мәселе қызу талқыланды.

       Дөңгелек үстелден соң арнайы келген қонақтар Алға ауданындағы Есет Көкіұлының мемориалдық кешеніне, Мұғалжар ауданындағы Көтібар батырдың мовзолейіне барды.