БАИШЕВ УНИВЕРСИТЕТІ

    Түлектерді жұмысқа орналастыру университет жұмысы тиімділігінің маңызды көрсеткіші болып табылады. Баишев Университеті қызметтің осы бағытына ерекше назар аударады, бұл түлектердің жұмысқа орналасуына жәрдемдесу жүйесін жүйелі жетілдіру мен дамытуда және жыл сайын жұмысқа орналасқан түлектердің жоғары пайызында көрініс табады. Баишев Университеті тиімді жұмысқа орналастыру мақсатында жұмыс берушілермен – «Қаржы орталығы» АҚ (Нұр-Сұлтан), «Ақтөбе облысының жастар саясаты мәселелері басқармасы» ММ, Ақтөбе қаласының «Жұмыспен қамту және әлеуметтік бағдарламалар бөлімі» ММ, «Атамекен» ҰКП Ақтөбе филиалы, Ақтөбе облысының «Азаматтарға арналған үкімет» мемлекеттік корпорациясы КЕ АҚ филиалымен және т.б. әлеуметтік серіктестермен ынтымақтастық орнатқан.

ЖОО жұмысқа орналастыру бойынша қызметті ұйымдастыруда келесі нормативтік-құқықтық базаны басшылыққа алады:

* 2007 жылғы 27 шілдедегі №319-III «білім туралы» ҚР Заңы;

* ҚР Үкіметінің 2012 жылғы 30 наурыздағы № 390 қаулысымен бекітілген «Жас мамандарды жұмысқа жіберу ережесі »;

Түлектерді жұмысқа орналастыру нәтижелерін ұйымдастыру, үйлестіру және қорытындылау мәселелерімен жұмыспен қамту және тәжірибе бөлімі айналысады.

Студенттер өтінімдердің, кәсіпорындардың сұраныстарының негізінде немесе өз бетінше жұмысқа орналасады. Бөлу жұмыстары жоғары мектептер мен бітіруші кафедраларда ұйымдастыру және тәжірибе бөлімімен бірлесіп жүргізіледі .

Жұмысқа орналастыру шеңберінде:

– Баишев университетпен ынтымақтастық үшін жаңа жұмыс берушілерді тарту;

– жұмыспен қамту және жұмысқа орналастыру саласындағы білім алушылар мен түлектерді хабардар ету;

– жұмыс іздеу тактикасы бойынша кеңес беру (түйіндеме жазу тәжірибесі);

– жұмысқа орналастыру және уақытша жұмыспен қамту мәселелері бойынша білім алушылармен және түлектермен жеке жұмыс;

– түлектерге сауалнама жүргізу және алынған ақпаратты талдау;

– еңбек нарығын талдау және Ақтөбе қаласы мен облыстың жұмыс берушілермен және халықты жұмыспен қамту орталығымен өзара іс-қимыл жасау;

– түлектердің мансаптық өсуін қадағалау;

– білім алушылардың кәсіптік практикасын ұйымдастыру және өткізу

– жыл сайын Мансап күні мен мансап апталығының өткізілуі, жұмыс берушілер кәсіпорындарының таныстырылымы;

– қалалық, облыстық Бос орындар жәрмеңкелерін ұйымдастыру және қатысу;

– уақытша және тұрақты жұмысқа орналастыру бойынша кеңес-семинарлар;

– ЖОО-ның өткен жылдардағы түлектерімен өзара іс-қимылды және ынтымақтастықты жүзеге асыру;

– Баишев университетінің түлектері мен білім алушыларын жұмысқа орналастыру нәтижелерін талдау және есепке алу.