Баишев университетінің Құқық және жалпы білім беру пәндері кафедрасы С.З. Зиманов» атты олимпиадаға қатысуға шақырады.

Баишев университетінің Құқық және жалпы білім беру пәндері кафедрасы «Құқықтану» мамандығының 2-3 курс студенттерін академик С.З.Зимановтың  100 жылдығына арналған «Заң ғылымының негізін қалаушы С.З. Зиманов» атты олимпиадаға қатысуға шақырады.

Олимпиада II кезеңде өтеді:

I кезең — «мемлекет және құқық теориясы», «Қазақстан Республикасының мемлекет және құқық тарихы» және «Қазақстан Республикасының конституциялық құқығы» пәндері бойынша тестілеу-барлығы 90 сұрақ (4-5 ақпан сағат 17:00-ге дейін).

II кезең — презентация қорғау (9-ақпан сағат 14:00-де) тақырыптар бойынша:

1. Қазақтардың әдет-ғұрып құқығы.
2. Құқықтық мемлекет және азаматтық қоғам.
3. Қазақстан Республикасындағы адамның және азаматтың құқықтық мәртебесінің негіздері.

Қиын эпидемиологиялық жағдайға байланысты және олимпиадаға қатысушылардың денсаулығын қорғау мақсатында кафедра іс-шараны қашықтықтан (сырттай) өткізу туралы шешім қабылдады.

I кезеңге қатысу үшін тесттер университеттің саиты  арқылы тапсырылады, II кезеңге қатысу үшін сілтеме 8 ақпаннан кешіктірілмей жіберіледі.

Олимпиадаға қатысу үшін 2021 жылғы 3-ақпанына дейін Ұйымдастыру комитетіне қатысушының өтінімін (өтінім нысанын осы ақпараттық хатқа 1-қосымшадан қараңыз) ұсыну және электрондық поштаға жіберу қажет g_baikunakova@bu.edu.kz., g_kuatbek@bu.edu.kz.

Олимпиада қорытындысы бойынша жеңімпаздар марапатталады.

Қосымша ақпарат алу үшін +77074638905 Қуатбек Гүлнар Қуатбекқызы, +77023227736 Байкунакова Гульнара Акбаровна немесе электрондық пошта мекенжайы бойынша хабарласуды сұраймыз: g_baikunakova@bu.edu.kz., g_kuatbek@bu.edu.kz.