Баишев Университеті

Баишев Университеті

«АБАЙ ӘЛЕМІНЕ САЯХАТ»

Баишев университеті, Білім берудегі жоғары мектебі, Педагогика  және  психология  кафедрасының ұйымдастыруымен ақын–ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер Абай Құнанбайұлының 175 жылдық мерейтойы аясында «Абай әлеміне саяхат» атты республикалық деңгейдегі онлайн форматында мерекелік шара өтті.

Негізгі шараның мақсаты – Қазақ халқының ұлы ақыны, ағартушысы, кемеңгер Абай Құнанбайұлының өмір жолы мен шығармалары, оның ақындық-өнер айналасын, сол замандағы тарих пен мәдениетті насихаттау  арқылы жас ұрпақты білім-ғылымға, ұлттық құндылықтарды сақтауға, ізденімпаздыққа  тәрбиелеу.                                                                       Баишев университетінің Әлеуметтік-тәрбие жұмысы жөніндегі проректоры – Миров Мұхтар Орынбасарұлы, Жоғары білім беру мектебінің деканы, п.ғ.к., доцент – Дүйсенбаев Абай Қабақбайұлы шараның негізгі маңыздылығына тоқталып өтті. Ы.Алтынсарин атындағы Арқалық мемлекеттік педагогикалық институтының доценті, п.ғ.магистрі -Жандилдина Роза Есентаевна мен Баишев жоғары медициналық колледжінің директорының оқу-өндірістік жұмысы жөніндегі орынбасары – Жандосов Шалгинбай  Утигенович Абайдың сара жолы туралы баяндаса, Шымкент университетінің филология факультетінің студенттері Абдрахманов Бауыржан, Есболай Арайлым Абайдың туындыларын шашу етті.  Сонымен қатар Абай қорық-музейінің аға ғылыми қызметкері Бейсембинова Гүлназ Талғатқызының жетекшілігімен «Абайдың «ЖИДЕБАЙ-БӨРІЛІ» мемлекеттік тарихи-мәдени және әдеби-мемориалдық қорық- музейі»-не онлайн экскурсия жасалды. Мерекелік шараны педагогика және психология кафедрасының меңгерушісі, п.ғ.к., профессор –  Сейтенова Салима Сағынқызының кеш қонақтары мен қатысушыларына алғыс сөзімен аяқталды. Қатысушы студенттер шарадан алған әсерлерімен бөлісті.                                                                       Шараға қатысқан кеш қонақтарына және студенттерге алғысымыз шексіз.